T9. Traballo de Nadal (liñas e tramas)

Haberá que entregar dúas prácticas de liña a tinta (boli, plumilla, pluma, rotulador...) en formato DINA3. Data de entrega: Venres, 11 de xaneiro.

Na primeira lámina, hai que dividir a superficie en catro recadros iguais que haberá que sombrear a base de raiados a man alzada, con liñas rectas e paralelas entre si. No primeiro recadro as paralelas irán nunha única dirección, no segundo haberá paralelas en dúas direccións, no terceiro en tres, e no cuarto, en catro. As liñas (en cada dirección) cubrirán o recadro por completo (e, loxicamente, os recadros quedarán máis escuros cantas máis liñas se crucen para formar a trama).
Na segunda lámina DINA3, en tinta tamén, hai que facer un debuxo libre (bodegón, retrato, paisaxe...) onde o claroscuro sexa resolto a base de tramas de liñas paralelas entre si, como as practicadas na lámina primeira.

Aquí tedes algúns exemplos por se axudan a aclarar o exercicio:

E se quedades con ganas de máis liña, aconsello a seguinte práctica (non obrigatoria, pero si moi aconsellable) para practicar diferentes tipos de tramas a liña:

Concursos de debuxo e pintura

Dado o interese amosado por algún(ha)s de vós, deixo aquí enlaces a páxinas web onde se publican algúns dos certames que hai vixentes. Animádevos a participar!

http://infoenpunto.com/sec/concursos/

https://www.mundoarti.com/concursos/categoria/dibujo-y-artes-graficas

https://www.arteinformado.com/agenda/premios/premios-y-concursos-de-arte-en-espa%C3%B1a-es_3

https://www.mundoarti.com/concursos/categoria/pintura

https://www.arteinformado.com/agenda/premios/premios-y-consursos-vigentes-en-espana-es_3_1

https://awarts.es/concursos/artes-graficas/

Xornadas EASD Pablo Picasso

Na vindeira semana, celébranse as Xornadas da EASD Pablo Picasso, coas seguintes charlas:

Traballo 8. Elementos básicos da plástica "o Punto"

Traballo 8: Reflexionar plásticamente sobre o concepto de colectividade / marxinación, empregando os recursos conceptuais e estéticos da obra de Juan Genovés. DINA3, técnica libre. Data de entrega: venres 14 de decembro.
Enlace para ver o documental sobre Juan Genovés (Control+clic):

http://www.rtve.es/television/20141014/imprescindibles-genoves100x120encendido/1029562.shtml

E algúns traballos feitos polo alumnado de cursos anteriores:

Traballo 7. Mans e pés

Cinco debuxos a grafito en DINA4: tres debuxos da man que non empreguedes para debuxar en posicións de dorso, puño e escorzo, e dous debuxos do voso pé en dúas posicións diferentes.
Data de entrega: Venres, 14 de decembro

Traballo 6. Retrato á maneira de Egon Schiele

Primeiro, estuda a obra de Egon Schiele, especialmente os seus debuxos. Analiza o tipo de liña que emprega, as cores elixidas e a aplicación das mesmas, a composición dentro do papel, a actitude dos retratados...
Aquí tes algúns enlaces para axudarche:

WikiArt
Pinterest
Complete Works

Despois: En DINA3, fai un retrato dun compañeiro ou compañeira de clase (de DEAII, para que eu sexa quen de ver o parecido), ou un autorretrato se prefires, empregando unha ou varias das seguintes técnicas: grafito, carboncillo, lapis de cor (pode ser acuarelable), rotuladores, acuarela e témpera. Usa como inspiración os debuxos de Schiele, non as pinturas (ten que haber predominio da liña sobre a mancha de cor). Data de entrega: venres,16 de novembro.

Deixo aquí o tipo de debuxos aos que me refiro:

Traballo 5: Debuxo analítico / debuxo sintético

Traballo 5: Elabora un bodegón con tres ou catro elementos da cociña (cacharros e/ou alimentos). Nun DINA3, usa unha metade para facer un debuxo realista a grafito (traballa con atención a composición, a perspectiva e a valoración do claroscuro). Na outra metade fai unha síntese a tinta (boli, rotulador, plumilla ou pincel) do mesmo bodegón: emprega o menor número de liñas posible para facer recoñecible a imaxe, pero atendendo á expresividade das mesmas. Repite o exercicio noutro DINA3 empregando un punto de vista máis elevado.    Data de entrega: Mércores 31 de outubro.


Aquí tedes uns exemplos:

Proxecto "Sketchbook"

("Sketch":Boceto, bosquexo, debuxo exploratorio)

Este proxecto desenvolverase ao longo do curso e consistirá na elaboración dun caderno de apuntes de -polo menos- cincuenta follas, nun formato que rondará o DINA5 (pode ser cadrado, apaisado ou vertical), e con papel axeitado para soportar augada (gramaxe de 170 ou máis).

Ao longo do curso, irase enchendo de debuxos. As técnicas serán variadas, empregando polo menos as seguintes: debuxo a grafito, tinta (boli de xel), acuarela, tinta con augada e collage (poderanse combinar entre elas). Seguindo as normas dos Urban Sketchers, os debuxos serán do natural, indicando lugar e data en cada un.
O ideal sería que houbese un debuxo diario, pero en todo caso farase un cada dous días. A data de comezo será como moi tarde o 1 de novembro, e servirá como traballo cualificable, cada vez que o pida a profesora. Na terceira avaliación (a finais de abril) entregaráse coas 50 follas (mínimo) rematadas e servirá como unha das notas de exame.
As primeiras páxinas do sketchbook (ou as do final se así o preferides) recollerán -a modo de glosario- debuxos das ferramentas e materiais empregados no libro.

Traballo 4. Interpretación dunha obra

Traballo 4. Interpretación, con técnica libre, da obra de Hans Baldung Grien "Retrato dunha dama" (1530). Exame PAU Xuño 2015. Opción A

 

 

A continuación, algúns dos vosos traballos: